عادة الأيام ترحل في ذهاب بلا إياب
تذكرتها في ذهاب بدون رجعة يالخوي
نمتطي سبع الليالي كنها سمر الركاب
والزمن سكة طويلة تحت تصريف القوي
والقدر زاد المسافر يرسله رب السحاب
والعمر طول المسافة بين تبدي وتهوي
والخريطة هي حدودك من تراب ليا تراب
تبتدي منها وفيها يوم ترجع منزوي
والليالي قد عطتني من تجاربها خطاب
لا تضجر من زمانك لو طوى حبلك طوي
لاجهمت بيض الليالي ونهشت شهب الذياب
البس الصبر وتوكل بالإله المستوي
واقتنص صيدة زمانك واكتفخ مثل العقاب
وإن صفت معك المشارب جم منها وارتوي
والليالي كم سقتني من قراح وسم داب
والدهر صوته تراوح بين تغريد وعوي
والبشر فوق البسيطة بالمراتب والثياب
مير من تحت البسيطة بيت واحد يحتوي
انتهت رحلة طويلة في غلافين وكتاب
اسمها دنيا المسافر تحت تصريف القوي
موضوع: دنيا المسافر 
الجمعة مايو 02, 2008 8:31 am
