طفولة عاجز

موضوع: طفولة عاجز الإثنين أبريل 21, 2008 11:54 am

الطفوله
أحلى مافي هالحياة
مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني
بسمه فينا ترتســم
..
كنـّا نركض
خلف كوره ... ( لا لا أنا ماكنت معهم !! )
وحدي بس بعيد عنهم ... كنت أنا أضحك عليهم
جالس لحالي أهذري ... جالس أحسب كم ( كبوريا )
صلـّحه ( أحمد ) في ( ماجد ) ؟؟
والله واجد!!
...
وقبل ما يحل الظلام
للبيوت نروح نجري ... ( لا لا أنا ماكنت معهم ! )
أمشي وحدي بعيد عنهم ... أمشي وأعدد أثرهم !
وهم عني يبعدون
يبعدون ... يبعدون
إلا ( ماجد ) !!
كان مثلي حيل ضايق ...
بس حزنـي كــان حارق
كان يسألني ببراءه : ...
ليش تعرج ؟ ... قلت مادري ! ... باستياء
ليش تبكي ؟ قلت مابكي ... بكبرياء
ضاق مني ...
ثم سألني في غباء ...
قال ( وثرايك تـثــابق )؟؟
وراح عنــّــي ... !!
....
كنت أسأل دوم نفسي ...
ليش ما أركض معاهم ؟!!
ليش دوم أمشي وراهم ؟!!
وش بلاي ؟!! ... أو وش بلاهم ؟!!
ليه أنا غير الأنام ؟!!
زاحمتني الأسئله...
كل شيٍ أجهله ؟
وإن تعبت من الإجـــابه...
أحظن الحيـــره وأنام .
.....
مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت ...
أفهم إني شخص ( عاجز ) !!
يعني بيني وبينكم
مليون حاجـــز !!!
صدقوني ذي حقيقه ...
لا طلعت السوق ... كل ما أمشي دقيقه
القى كل شوي أبله !!
يمشي ويناظر صديقه ...
ويغمز له
يقول : ناظر ...!!
وش يناظر ؟!!
وتتفجّــر في خفوقي
ألف ضيقه
ووحده في وسط الزحام ....
طالعتني باهتمام ...
بنت في عمر الزهور ... أي رشاقه ... وأي أناقه ...
وأي عطـــور !!
قلت في نفسي ياهووووه
هي تناظرني بغرام ؟!! ... أو هي نظره والسلام ؟!!
بس أكيد إنها تعرفني ... شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت
....
لي قصيده ...
كنت ناشر معها صوره
بس صوره ... ياسلااااا م
وفاجأتني ...
لمـّا صارت لي قريبه ... كانت تـمـتم بطيبه
{ يكسر الخاطــر حـــرااااام ) !!!!!
وتركت دمعه غريبة ...
وضاعت بوسط الزحــام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب اللحظــات وأقسى
لاغدا الرجـّــــال يكسرخاطر انثى
كيف ينسى ؟؟؟
جاوبوني !!
...
وزاد همّــي ...
يوم فكــّـرت بوظيفه ... ثم زواج
أي وظيفه ... وأي زواج ؟؟
اللــي مثـلي ...
مهما طالب ... لويلف ولو يدور
زين لو حطـــّــوه كــاتب
لا ... وعلى بنــد الأجـــــــور ....
ماهو رسمي !!!
....
صدقوني لو تدرّج ... وصار راتبه ايتصاعد
وابتــدا وضعه يزين
ما أظنه بيتزوّج ... حتى لو بعد التقاعد !!
.....
وفي النهــايه ...
يابلــدنا... مهما كانت ( تسميتـنا )
عاجزين ... ( معوّقين )
لك عهدنا ... وذا قسمنا :
أقسم بالله العظيم ... منزل الذكر الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
إنتي ناديني وشوفي ... لا نويتي بالجهــاد
والله أقهر لك ظروفي ... دامك إنتي لي بــــلاد
وباسم كل العاجزين ... دام فينا أصبع يطول الزنـــاد
لا يهمــّـك يابلادي ]

موضوع: رد: طفولة عاجز الإثنين أبريل 21, 2008 2:06 pm

أصعب اللحظــات وأقسى
لاغدا الرجـّــــال يكسرخاطر انثى
كيف ينسى ؟؟؟
جاوبوني !
يااااااااااااااااااااااااااااااااااااااااااااااااااااااااااااهي طلقاااااااااااااااااااااااات ضربت في عمق مشاعرنا00صدقيني جاتني نوبه حزن ؟
لانه في شريحه في مجتمعنا تعااااااااااااااااني ونحن لاحراااك والمصيبه نساااااهم في عزل هولا

الاحباااااااااااب عنا بشكل يجرحهم ونحن لا نباااااااالي بذلك0

خيتو الف شكر لك على هذه الفته الجميلة منك وندل على شي فانما يدل على نبل اخلاقك

تحياااااااااااااااااااااااااااتي /الفارسيثبت

موضوع: رد: طفولة عاجز الإثنين أبريل 21, 2008 3:35 pm

يسلمو على المرور
وان شاء الله الموضوع القادم يفرحك ما
يحزنك
لكن ان لم نشعر بطعم ومرارة الحزن لم نعرف لذة وطعم الفرح
ويسلموووو على المرور

موضوع: رد: طفولة عاجز الإثنين أبريل 21, 2008 8:03 pm

رررررررررروعه يعطيك العافيه

شكراا لك على القصيدة الجميلة
الرشيقة العذبة الطلقة
حقا حقا !!!!!!! لقد اتشفيت غليلي اشبعتني اشباعا
شكرا لحضرتك

اداري عدد الرسائل : 245 تاريخ التسجيل : 09/04/2008

مشكورة
على هل الموضوووع
الرائع

موضوع: رد: طفولة عاجز الخميس أبريل 24, 2008 7:46 am

لاشكر على واجب اخواني
هذا من ذوقكم الرائع
انا من يتوجب عليه الشكر لكم

أختكم:ترانيم الفجر

موضوع: رد: طفولة عاجز الجمعة أبريل 25, 2008 12:24 pm

لا شكر على واجب
غاليتي
تقبلي مروري
تحياتي

مشرفه عدد الرسائل : 252 تاريخ التسجيل : 10/05/2008

ترانيم الفجر

نص رائع مشاعر واحاسيس جميله

تسلم الانامل

تحياتي

غلاهم

موضوع: رد: طفولة عاجز الجمعة مايو 23, 2008 10:33 pm

موضوع: رد: طفولة عاجز الأربعاء مايو 28, 2008 5:38 pm

رووووووووووووعه يسلوووووووووووووووووووو

يسلمووووووووووووووو قمه الابدااااااااااااع 00يسعدك ربي00