مالك حزين؟
يا "آسف " بلا ذنب
يا وجه الرحيل
يا صوت يا شايل تعب
يا "غارس" بسمعي صداك
عمرك "جفاف"
وخطوتين بلا طريق!
تبي تضيعني معاك؟
وانساك ..وانسى الـ"عالمين"!
الله عليك..
يا كل ما أملك "أنا"
خلك هنا..
خلك على "بال" السنين
بين الأسامي
والتواريخ القديمة
منكتب.. بجدار طين
في "حيـّنـا" المنسي
ورى هاذي المدينة!
وانتثر بينك وبيني
جفن ذايب فوق خد
بـ "ملح عين"!
واقسم لي من "الجووووع"
فمّ..
وتمرتين..
ياااااا..
مالك حزين؟!
مالك؟!
مالك تجرّ الـ آآآه؟ وبأي تبرير؟
لا صارت اوجاع الخلايق تشابه
صمتك بداية مبهمة لـ ألف تعبير
عينك سؤال.. ولون وجهك إجابه!
ذكّرتني بـ"اهزوجة "الغصن والطير
والعشب الاخضر والمطر والسحابة
واشيا تنام بــ "ذاكرة" طفل ٍ صغير
يخاف يكبر "عالمه" ما درابه!
قرا شطر "عمره" على "جمة البير"
أتعس بني آدم "يشيب" بشبابه!
موضوع: مالك حزين؟ 
الإثنين مايو 05, 2008 7:08 pm
